مونوگرام اور تنظیم کے جھنڈے میں کلر پٹی وغیرہ

"تنظیم کا مونوگرام اس کے بنیادی نظریات اور مقاصد کی علامت ہے۔ اس میں قلم علم، شعور، قانون، تحریر اور سرکاری خدمت کی؛ کلرکس و سول ایمپلائیز کی علامت ریاستی انتظامی خدمت کی؛ جبکہ ہاتھوں میں ہاتھ اتحاد، مساوات، باہمی احترام، اعتماد اور اجتماعی جدوجہد کی نمائندگی کرتے ہیں۔ یہ تصور آئینِ پاکستان کے آرٹیکل 25 میں بیان کردہ مساواتِ شہری اور قانون کے مساوی تحفظ کے اصول سے ہم آہنگ ہے۔ تنظیم تمام ارکان کے لیے مساوی عزت، مساوی تنظیمی حقوق، مساوی مواقع اور بلاجواز امتیاز کے خلاف آئینی و قانونی جدوجہد کو اپنا اصول سمجھے گی۔ تنظیم قلم کو علم و دلیل اور متحد ہاتھوں کو اجتماعی قوت کی علامت سمجھتے ہوئے اپنے مقاصد کے حصول کے لیے آئینی، قانونی، جمہوری اور پُرامن ذرائع اختیار کرے گی۔"