ایپکا پاکستان (شہید ساقی) کے دستور 2026 میں آرگنازیشن چارٹ

دستور 2026 — تنظیمی ڈھانچہ و آرگنائزیشن چارٹ

آل پاکستان کلرکس، پینشنرز و سول ایمپلائیز الائنس (ایپکا پاکستان شہید ساقی) کے دستور 2026 میں تنظیمی ڈھانچہ کو واضح، جمہوری اور مؤثر بنانے کے لیے مرکزی سطح سے یونٹ سطح تک باقاعدہ تنظیمی نظام تجویز کیا گیا ہے۔

تنظیم کی بنیادی ساخت درج ذیل ہے:

مرکزی مجلسِ عاملہ → صوبائی مجلسِ عاملہ → ڈویژنل مجلسِ عاملہ → ضلعی مجلسِ عاملہ → تحصیل/زون مجلس → سیکٹر/یونٹ باڈی

ہر سطح کو اپنے دائرۂ اختیار کے مطابق تنظیم سازی، رابطہ کاری، نگرانی، نمائندگی، مشاورت اور تنظیمی فیصلوں کے نفاذ کی ذمہ داریاں تفویض ہوں گی۔

مرکزی سطح پالیسی، آئینی رہنمائی اور قومی امور کی نگرانی کرے گی، صوبائی سطح صوبائی تنظیم و رابطہ کاری، ڈویژنل سطح علاقائی رابطہ و تنظیم سازی، ضلعی سطح تنظیمی نگرانی، جبکہ تحصیل، سیکٹر اور یونٹ سطح بنیادی تنظیمی اکائی کے طور پر اراکین سے براہِ راست رابطہ برقرار رکھیں گے۔

دستور 2026 کا بنیادی اصول:
"اختیار کے ساتھ ذمہ داری، نمائندگی کے ساتھ جوابدہی، اور تنظیم کے ہر درجے پر شفافیت و جمہوری مشاورت۔"

اتحاد • انصاف • مساوات • وقار
Employees Matter — Pension is a Right, Not Charity